Propósito:

• Desenvolvemento dun plan integral de educación para o consumo centrado na seguridade dos productos.

Obxectivos principais:

• Centra-los esforzos formativos para a seguridade dos productos nos 10 temas seguintes: teléfonos móbiles, cosméticos, piercings, tatuaxes, cirurxía estética, xogos e xoguetes, motocicletas, mercar un casco, videoxogos e productos informáticos.
• Elaborar, editar e distribuir materiais didácticos multimedia válidos para forma-los consumidores nos eidos anteditos.
• Establecer e desenvolver un plan de formación de formadores a distancia, con accións presenciais dirixidas ós profesores membros da REDE, axudandoos para que abranguen os temas citados.
• Establecer un foro virtual na web da REDE e celebrar unha videoconferencia.

Valor engadido:

• Fornece-la cooperación transnacional duradeira, a través da consolidación das redes de Educación para o Consumo nos países do sur de Europa.
• Posibilita-lo intercambio e a explotación común de experiencias de sensibilización dos consumidores e consumidoras, a través do desenvolvemento de materiais e accións formativas sistemáticas no tema concreto da seguridade dos productos.