1. Debes buscar, comparar e coñece-lo contido do xogo antes de mercar. Para isto, sempre que sexa posible, solicita unha demostración práctica antes de compralo.

2. Escolle xogos que permitan xogar de xeito colectivo, así poderás comparti-lo teu tempo de lecer con outras persoas. Non esquezas que moitas veces os videoxogos invitan a realizar unha actividade basicamente solitaria que pode illarte dos demais.

3. Cando elixas un videoxogo ten en conta a idade; se é para ti, a túa, se é para un neno ou nena, elíxelo considerando que non resulte excesivamente difícil. Un xogo moi complicado pode producir sentimentos de frustración ó non acadarse os obxectivos fixados.

4. O obxectivo dun xogo debe ser divertir e entreter de xeito saudable. Merca e utiliza videoxogos divertidos, sen contidos violentos, xenófobos ou sexistas. Ten en conta que a túa elección orienta a producción.

5. Controla e limita o tempo que adicas ós videoxogos. Non debería se-lo único entretemento do teu tempo de lecer. ¡Atención! sobre todo en vacacións, cando se perde a noción do tempo.

6. Debes ser consciente de que o uso excesivo deste tipo de xogos, fai que un poida chegarse a implicar tanto nos personaxes ficticios que comece a vivi-la vida deles máis que a propia.

7. Ten en conta a calidade ó mercar unha videoconsola. É importante que a pantalla non afecte á túa vista. Observa as recomendacións de seguridade e realiza pausas de quince minutos por cada unha hora de xogo.

8. Procura instala-la videoconsola nunha habitación ben iluminada, se podes é mellor nun televisor de pantalla pequena. Debes manterte a unha distancia prudencial da pantalla. Vixía que cumpran esta norma de seguridade os pequenos da casa.

9. Os problemas relacionados coa vista e o nerviosismo, asociados ó uso de consolas de videoxogos débense, normalmente, a un uso prolongado no tempo e á utilización de accesorios que vibran, sobre todo os joystick, ou os mandos.

10. Infórmate sempre ben antes de mercar. Evita adquirir productos piratas, perderás en calidade e seguridade.