1. Debes saber que hai diferentes tipos de cascos: para moto, para bicicleta, para practica-la hípica,... Non utilices un casco de hípica para ir na moto, pode ser peor o remedio que a enfermidade. Se vas mercar un casco elixe o que sexa indicado para a actividade que vas facer.

2. Á hora de merca-lo casco, coida que non debes aforrar en temas que atinxan á túa seguridade. O importante no é o prezo, senón que sexa un casco homologado e seguro. Antes de mercar, infórmate ben, compara prezos e calidades.

3. Esixe que o casco estea homologado segundo a normativa europea. Fíxate se leva cosido no seu interior a etiqueta de homologación.

4. Para que vexas ben, é mellor que merques un casco que leve a viseira clara, que non sexa tintada, que non se rele, e, se é posible, antibafo.

5. Cando acudas a unha tenda especializada, pídelle que te aconsellen e próbate, con tranquilidade, diferentes marcas, modelos e tallas.

6. Lembra que o casco debe estar moi xusto, pero sen apertar ningunha zona da cabeza ou do colo. Tampouco ten que moverse no caso de vira-la cabeza rapidamente.

7. Tómate todo o tempo que sexa necesario para elixi-lo casco. Ten que quedar perfectamente suxeito, xa que de non facelo sería o primeiro en saltar no caso de caída.

8. Cando un casco ten sofrido un golpe forte ou caeu dende unha altura superior a 1,50 metros pode ter sufrido danos na súa estructura, e ter quedado inservible no caso de accidente. Se tes dúbidas ponte en contacto coa tenda, o fabricante ou importador para que comproben os danos.

9. Non só o casco é importante, tamén o resto da indumentaria: un bo equipo de protección individual (roupa de material resistente, xeonlleiras, luvas, etc.), tamén forma parte da túa protección e seguridade.

10. Ten en conta que o casco é obrigado (pódenche multar se non o levas posto) e que só che protexe se vai posto na cabeza. Se leva-lo casco colgado do brazo, no caso de caída, pódeste rompe-lo brazo e maila cabeza.