1. Se vas mercar un vehículo debes coñecer ben tódolos aspectos do mercado destes productos: requisitos de idade, documentación necesaria, homologación, etc.

2. Antes de mercar unha moto, debes estar ben informado. Ten en conta que tódolos vehículos, equipos, repostos e accesorios, deben estar previamente homologados, e que é moi importante atender ós aspectos de seguridade, as normas de velocidade, o tempo e condicións da garantía, as ofertas que existen no mercado, etc. Non elixas a moto só polo seu estilo.

3. Se vas mercar unha moto de segunda man compróbaa antes, busca unha persoa da túa confianza que entenda de motos para que a revise contigo. Comproba que os cables e tódolos elementos da moto estean en bo estado, que ó poñela en funcionamento non se oian ruídos extraños ou rozamentos, e lembra que se unha moto tivo un accidente grave pode ter quedado viciada.

4. Revisa que tódolos papeis da moto estean axeitados; non os admitas se atopas algo extraño. Pescuda (incluso podes preguntar en tráfico) que o dono non teña multas pendentes de pagamento. Interésate por outras cuestións: consumo de gasolina, problemas que tivo, cánto paga polo seguro, etc.

5. Debes probar calquera vehículo antes de adquirilo, sexa novo ou de segunda man. Debes saber perfectamente que todo funciona axeitadamente. Revisa o funcionamento dos mecanismos electrónicos: luces, intermitentes, bucina, parada de motor, arrinque...

6. Os tubos de escape que non son de serie deben estar homologados e non pasar do nivel sonoro dos escapes orixinais. Nunca se debe modifica-lo sistema de escape, xa que logo se incrementa o ruído. En motos de segunda man, os escapes oxidados, avariados, ou danados deben ser cambiados no momento no que se note que o ruído aumenta: pode afectar á mecánica do motor.

7. Debes mercar coa moto os equipos de protección individual necesarios: casco, xeonlleiras, cobamentas, mono ou roupa de cores claras e rechamantes, etc. Deste xeito estarás ben protexido. Lembra que non debes usar nunca a moto sen casco.

8. Non esquezas que para circular na moto debes levar sempre as luces prendidas. Mantén sempre en perfecto estado as luces, intermitentes, freos, rodas, etc.

9. Se utilizas unha moto, ademais de respectar tódalas normas de circulación, conduce sempre coa precaución necesaria para evitar poñer en perigo ós demais e a ti mesmo.

10. Non conduzas se tomaches alcohol ou outro tipo de drogas. Mellor non te distraias, apaga o walkman ou Discman, non fagas nada que poida distrae-la túa atención ó conducir. Se levas teléfono móbil, que estea apagado. Non fagas adelantamentos temerarios, non pases rozando ós coches aparcados, poden arrincar de improviso. Obedece as sinais de tráfico e a sinalización no pavimento.