1. Cando merque-lo ordenador coida da seguridade. Elixe un monitor e unha pantalla de boa calidade; o pestanexar das imaxes produce canseira ocular e dor de cabeza. Ponlle un filtro protector.

2. Debes mante-los compoñentes do ordenador lonxe dos radiadores e fontes de calor. Tamén, evita que se atranquen as fendas de ventilación.

3. Usa só cables de alimentación eléctrica homologados. Non conectes nin use-lo módem nin o teléfono durante unha treboada eléctrica: existe un alto risco de descarga eléctrica.

4. Evita-la introducción de obxectos polas fendas dos compoñentes do ordenador. Pódese producir un incendio ou sofrir un choque eléctrico ó provocar un curtocircuíto entre os compoñentes internos.

5. É mellor non beber, nin comer, preto do ordenador. Evita derramar alimentos ou líquidos sobre os seus compoñentes. Non o poñas en marcha nun ambiente húmido, no caso de que se molle, desconectao e ponte en contacto co provedor.

6. Se cres que o ordenador ten una avaría, o mellor é que a repare un técnico. Non esquezas que o ordenador está conectado á rede eléctrica, polo que se deberá desconectar cada vez que se manipule no seu interior. Deixa que o ordenador se enfríe antes de desmonta-las cubertas ou toca-los compoñentes internos.

7. Evita estar moito tempo diante do ordenador. Lembra que podes ter problemas na vista ou nas costas.

8. Non facilites, en Internet, os teus datos persoais ou económicos sen a debida seguridade. Tampouco non acordes citas, vía Internet, coas persoas ás que non coñeces. Non facilites ó teu enderezo, nin o teu número de teléfono, nin tampouco a túa foto. Non tódolos lugares de «chat» a través da rede son axeitados para os cativos ou para a mocidade, aínda que estes se anuncien de xeito «especial para nenos e mozos».

9. Aconsellámoste que non envíes datos da túa tarxeta de crédito ou detalles do teu banco ás persoas descoñecidas, ou das que non tes comprobado previamente a súa identidade. Alguén podería usa-los datos para roubarte. Non facilites a túa contrasinal a ninguén, poderían facerse pasar por ti.

10. Se tes conexión permanente a Internet, é moi conveniente instalar unha devasa ou “firewal” cara a evitar que podan acceder ó teu equipo sen o teu consentimento. Coidado cos virus, instala un bo antivirus. Se non sabes cómo te podes protexer, infórmate ben con alguén da túa confianza.